Таджикский педагогический институт в Пенджикенте

Факултети Ғоибона ва фосилавӣ

Худойназаров МеҳроҷиддинАшӯрович – декани факултети ғоибона-фосилавӣ

Таҳсилоти ғоибона-фосилавӣ яке аз намудҳои паҳнгаштаи таълим ба шумор меравад. Дар сохтори факултет низоми таҳсилоти фосилавӣ фаъолият менамояд, ки мудири бахши он Зиёвиддинзода Зулолиддин мебошад.

Ба таълими ғоибона хатмкардагони муассисаҳои ибтидоӣ ва миёнаи касбӣ, хатмкардагони муассисаҳои таҳсилоти миёнаи умумӣ ва мутахассисони дорои маълумоти олӣ барои гирифтани ихтисоси дигар қабул карда мешаванд

Дар  Донишкадаи омўзгории Тоҷикистон дар шаҳри Панҷакент таҳсили ғоибона –фосилавӣ фаъолият менамояд,  ки он дар соли 2012 ҳамчун факултети алоҳида ташкил карда шуд.  Дар ин факултет зиёда аз  1770 донишҷў аз минтақаҳои гуногуни кишвар ва берун аз он таҳсил менамоянд. Қисми зиёди донишҷўёни ин факултетро омўзгорони муасисаҳои таҳсилоти миёнаи умумӣ ташкил медиҳад.

Онҳо барои баланд бардоштани сатҳи дониши худ дар баробари кору фаъолият таҳсил менамоянд. Дар факултети ғоибона-фосилавии донишкада донишҷўён аз рўи 21 ихтисосҳои  гуногун таҳсил мекунанд.

1-25.01.08-18 Баҳисобгирии бухгалтерӣ, таҳлил ва аудит дар соҳаи маориф

1-26020206-Менеҷменти иҷтимоӣ (маориф)

1-02.05.03-02 Физика- информатика

1-02 06 02-08 Технология (меҳнати техникӣ). Эҷодиёти техникӣ

1-02.05.03-02 Математика-информатика

1-02.05.04-04 Физика эҷодиёти касбӣ

1-21.03.01-02 Таърихи бостоншиносӣ

1-02.01.02 Таърих. Ихтисоси иловагӣ (ҳуқуқ)

1-02.04.04-01 Биология -химия

1-02.04.05-01 География-биология

1-03.02.01 Тарбияи ҷисмонӣ

1-03.02.02 Тарбияи ҷисмонӣ ва омодагии дифои ҳарбӣ

1-02.03.01 Забон ва адабиёти тоҷик

1-01.02.02 Таҳсилоти ибтидоӣ

1-02.03-02-03 Забон ва адабиёти рус

1-01.02.02-03 Таҳсилоти ибтидоӣ. Санъати мусиқӣ

1-26.02.02-10 Менеҷмент дар соҳаи сайёҳии байналмилалӣ

1-01010206 Таҳсилоти томактабӣ-равоншиносии амалӣ

1-02.03.04-02 Забон ва адабиёти рус. Забони хориҷӣ (ӯзбекӣ)

1-030403 равоншиносии амалӣ

1-020102-03 Таърих. Забон ва адабиёти рус

Дар факултети ғоибона –фосилавӣ сессияи таълимию имтиҳонӣ дар як соли  хониш ду маротиба дар нимсолаи аввал аз 22-уми декабр то 4-уми январ  ва дар нимсолаи дуюм аз 18-уми май то 31-уми май гузаронида мешавад.  Дар ин давра донишҷуён мавзўъҳои асосии фанҳои  нақшаи таълимиро бо усули фаъоли таълим ва истифодаи  методикаҳои муосири дарсдиҳӣ азхуд мекунанд. Дар  раванди таълим донишҷўёни ғоибхона-фосилавӣ аз воситаҳои  техникӣ ва адабиётҳои фонди китобхона ба тарзи ройгон истифода бурда, устодони кафедраҳои донишкада бо  онҳо машғулият мегузаронанд. Дар байни сессияҳо ба донишҷўёни факултети ғоибона корҳои назоратӣ,  рисолаҳои курсӣ ва супоришҳои илмӣ – тадқиқотӣ дода мешавад. Алоқаи донишкада бо донишҷўёни ғоибхон ва фосилавӣ  бо истифода аз технологияҳои муосири иттилоотӣ ва  коммуникатсионӣ амалӣ гардонида мешавад.