ФАКУЛТЕТИ МЕНЕҶМЕНТ

Факултети менеҷмент зодаи истиқлол буда, яке аз аввалин факултети донишкада мебошад. Ин факултет фаъолияти худро дар таркиби Маркази Осиёмиёнагии Донишгоҳи озоди Русия соли 1991 оғоз намудааст. Сипас, яке аз факултетҳои Донишгоҳи Озоди Тоҷикистон буда, ҳоло ҳамчун факултети Донишкадаи омӯзгории Тоҷикистон дар ш.Панҷакент фаъолият карда истодааст. Дар тули фаъолияташ дар   факултет мутахассисони соҳаи идоракунӣ (менеҷмент), иқтисодиёт, туризм тайёр карда мешаванд. Дар аввали ташаккулёбӣ дар факултети менеҷмент аз руи ихтисосҳои: менеҷменти тиҷоратӣ ва менеҷменти фермерӣ (агробизнес) мутахассис тайёр карда мешуд. Мутахассисони аввалин дар соли 1995 факултетро хатм намуда, дар соҳаҳои гуногуни хоҷагии халқи диёрамон ва дигар ҷумҳуриҳо фаъолияти меҳнатии худро оғоз намуданд. Факултет зиёда аз 1000 нафар мутахассиси баландихтисос тайёр кардааст. Хатмкунандагони факултети менеҷмент дар соҳаҳои гуногун, аз ҷумла, савдо, бонкҳо, сохторҳои давлатӣ, сохтмон, хоҷагии қишлоқ, соҳибкории хурд ва миёна, туризм ва гайра фаъолияти босамар карда истодаанд.

Омӯзгор, хатмкардаи факултети молиявию иқтисодии Донишгоҳи миллии Тоҷикистон Шодиев Қамар ҳоло вазифаи декани факултети менеҷментро ба ӯҳда дошта, шӯъбаи аспирантураи донишгоҳро низ хатм намудааст ва дар ҷараёни ҳимояи рисолаи номзадиаш қарор дорад. Соли 2016 бошад, мудири кафедраи назарияи иқтисодӣ ва идоракунӣ Наҷмиддинов Ф.   рисолаи номзадии худро   бомуваффақият дифоъ намуд. Омӯзгорони ҷавони кафедраи назарияи иқтисодӣ ва идоакунӣ  мавзуъҳои рисолаи номзадиро муайян намуда, корҳои илмӣ карда истодаанд. Бо мақсади баланд бардоштани савияи дониши илмӣ-методӣ омӯзгорон дар курсҳои такмили ихтисоси донишгоҳҳои ватанӣ ва хориҷӣ мунтазам иштирок менамоянд.

      Сарварии факултетро аз моҳи сентябри соли 2022 инҷониб  Шодиев Қ.С. дар уҳда дорад.    Имрӯз факултети менеҷмент ҳамқадами замона мебошад. Бо назардошти ниёзи ҷамъияти имрӯзаи мо, факултет тайёр кардани   мутахассисони соҳаи идоракунии маориф ва соҳаи туризмро   ба зимма гирифтааст. Ҳамин тавр, дар факултет аз соли 2007 аз руи 4 ихтисос:

1. Менеҷменти соҳаи маориф,
2. Баҳисобгирии муҳосибӣ, таҳлил ва аудит дар соҳаи маориф,
3. Саёҳат ва меҳмондорӣ,
4. География.

Асосҳои иқтисодиёт таълим дода мешавад. Таълим дар шакли рӯзона ва фосилавӣ ба роҳ монда шудааст. Дар факултет кафедраи назарияи иқтисодӣ ва идоракунӣ амал мекунад, ки дар он 10 нафар устодон, аз он ҷумла, 2 номзади илмҳои иқтисодӣ, 3  унвонҷӯ,  фаъолият менамоянд. Устодони кафедра дастурҳои методӣ, курсҳои лексия, маводҳои ёрирасон оид, мақолаҳои илмӣ, методӣ омода менамояд. Мақолаҳои  илмии устодони кафедра дар нашрияҳои гуногуни ҷумҳурӣ ва дохили донишкада нашр шудаанд.

      Дар самти ихтисосҳои факултети менеҷмент магистратура низ фаъолият мекунад, ки пеш аз ҳама ба давом додани таҳсили хатмкунандагони болаёқати факултет ва донишгоҳҳои дигар мусоидат менамояд.

Дар факултет корҳои тарбиявӣ, ҷамъиятӣ низ хуб ба роҳ монда шудааст. Устодон ва донишҷуен ҳафтаҳои фаннӣ, конфоронсҳои илмӣ, вохуриҳо бо мутахассисони соҳаҳои гуногун, шабнишиниҳо, маҳфилҳои адабӣ, озмунҳои гуногун омода карда мегузаронанд. Дар чорабиниҳои донишкадавӣ  низ донишҷуен фаъолона иштирок карда, ба натиҷаҳои назаррас сазовор мегарданд. Ҳар сол донишҷуёни факултети менеҷмент дар олимпиадаи ҷумҳуриявии донишҷуен аз руи фанҳои тахассусӣ ва ғайритахассусӣ иштирок варзида, бо ифтихорномаҳои Вазорати Маориф  мукофотонида шудаанд. 

 Дар самти омода намудани мутахассисони риштаи сайёҳӣ факултет, донишкада бо ширкатҳои сайёҳии водии Зарафшон шартномаҳои ҳамкорӣ дошта, таҷрибаомузии донишҷӯёни ихтисосҳои сайёҳӣ  дар ин ширкатҳо ташкил ва гузаронида мешавад, аз ҷумла ширкатҳои “Куҳандиз”, “Чилмеҳроб”, “Памир тревел”, “Артуч” ва ғ.