ШӮРОИ ОЛИМОНИ ДОТ ДАРШАҲРИ ПАНҶАКЕНТ

Шурои олимони Донишкадаи омӯзгории Тоҷикистон дар шаҳри Панҷакент дар мақомоти интихобӣ, органи қонунбарор ва намояндагии ҳайати асосии муассисаи таълимӣ буда, баррасикунандаи мубрамтарин масъалаҳои  самти таълим, илм, тарбия, робитаҳои хориҷӣ ва хоҷагидорӣ мебошад.

Фаъолияти ин ҳайат дар асоси “Низомномаи Шурои олимони Донишкадаи омӯзгории Тоҷикистон дар шаҳри Панҷакент ” ва “Оинномаи муассисаи давлатии “Донишкадаи омӯзгории Тоҷикистон дар шаҳри Панҷакент ” ба роҳ монда шудааст.

Ҳайати Шурои олимони донишкада аз ҷониби раиси ҷаласа, ректори донишкада ва дигар аъзоёни он муайян карда мешавад. 

Шурои олимони донишкада фаъолияти худро аз соли 1991 оғоз намуд. Айни ҳол, роҳбарии онро н.и.ф., профессор Ансорӣ М Қ. бар уҳда дорад. Ҳайати  имрӯзаи шурои олимон 21 нафарро ташкил медиҳад ва “Нақшаи кории Шурои олимони ДОТ дар шаҳри Панҷакент”  санаи 31.08.2024, таҳти №1/1 аз ҷониби раиси ҷаласа, ректори донишкада тасдиқ гардидааст. Нақшаи кории шурои олимони донишкада барои соли таҳсили 2024-2025 аз рӯйи фарогирии 18 масъалаҳои асосии қисми таълим, илм, тарбия, робитаҳо, хоҷагидорӣ ва иқтисод пешбинӣ шудааст. Пас аз анҷоми ҳар як нимсолаи таълимӣ зери роҳбарии бевоситаи раиси ҷаласа, ректори донишкада гурӯҳи корӣ ташкил карда шуда, раванди иҷрои қарорҳои шурои олимон натиҷагирӣ карда мешавад.